FAQs

Frequently Asked Questions (FAQs) - Maali Services

Kitne plants cover honge?

Bronze mein 10 tak, Silver mein 25 tak, Gold mein 40 tak, aur Platinum mein jitne bhi hon. Baad mein plants badh jaayein toh plan beech mein bhi badal sakte hain.

Ek visit mein kitna time lagta hai?

30 se 45 minute. Zyada plants hon toh thoda zyada. Aapka ghar par hona zaroori nahi, bas balcony tak pahunch mil jaaye.

Weekend par visit ho sakti hai?

Haan. Saturday aur Sunday dono chalte hain. Booking ke time aap time chunte hain.

Plan cancel ya refund ho sakta hai?

Plan ek baar book hone ke baad cancel nahi kiya ja sakta. Visits aapke selected plan ke mutabiq hi poori hongi.

Maali ke bare mein pehle pata chalega?

Haan. Sab hamare apne trained maali hain, ID check ki hui. Booking pakki hone par unka naam aur photo WhatsApp par bhej dete hain. Har mahine wahi banda aata hai.

Khaad aur dawai ka paisa alag lagta hai?

Gold aur Platinum mein khaad shaamil hai. Bronze aur Silver mein lagana free hai, saamaan ka paisa alag — aur wo bhi pehle bata dete hain.

Mere plants bahut kharab hain. Ab kuch ho sakta hai?

Zyada tar time haan. Photo WhatsApp par bhej dijiye — hum free mein bata denge ki kya problem hai aur bach sakta hai ya nahi. Koi paisa nahi, koi zor nahi.

Agar maali time par nahi aaya ya badalna ho toh kya karein?

Aap seedha hamare WhatsApp support par message kar sakte hain. Agar maali se santusht nahi hain, toh agli visit ke liye maali turant badal diya jayega.

Kya maali gamle badalna (repotting) aur pruning bhi karta hai?

Haan, maali plants ki pruning, dead leaves hatana, soil loosening, aur chote-bade plants ki repotting mein poori madad karte hain.

Kya maali ghar ke andar (indoor plants) aur terrace garden dono sambhalte hain?

Bilkul! Indoor plants ki watering needs alag hoti hain aur outdoor/terrace ki alag. Hamare maali dono ke liye expert care provide karte hain.

Paani dene (watering) ka kya system rehta hai jab maali visit nahi karta?

Maali visit ke din toh paani daalte hi hain, saath hi baaki dino ke liye aapko ek simple watering guide ya schedule de jaate hain taaki aapke plants healthy rahein.

Maali apne tools khud lekar aate hain ya humein dene padte hain?

Hamare maali apne basic gardening tools (cutter, trowel, etc.) saath lekar aate hain. Aapko alag se kuch khareedne ki zaroorat nahi hai.